Кәсіптік бағдар беру жұмысы туралы ақпарат

15 қаңтар күні Семей қаласының Мәдениет сарайында ҚР ШШМ М.Бөкенбаев атындағы Ақтөбе заң институты бастығының орынбасары, полиция подполковнигі Б.Е.Қуанышұлы мектеп түлектерімен кездесу өткізді. 10-11 сынып түлектерімен ұйымдастырылған кездесу барысында подполковник құқық қорғау саласы бойынша мамандар даярлайтын Батыс өңіріндегі жалғыз жоғары оқу орны-заң институты туралы ақпарат беріп, болашақ талапкерлердің сұрақтарына жауап берді. Болашақ талапкерлермен кездесу барысында оқуға түсу үшін қандай құжаттар қажет екені, әскери-дәрігерлік комиссия, қандай спорттық нормативтер тапсыру керектігі жайлы да мәліметтермен бөлісті. Кездесу соңында  мектеп түлектеріне буклеттер таратылды.