2025 жылдың 17 сәуірінде мектебімізде Ұлы Отан соғысының 80 жылдығы қарсаңында "Сіздер біздің мәңгі жадымыздасыздар" атты мектепішілік мәнерлеп оқу байқауы өткізілді.

2025 жылдың 17 сәуірінде мектебімізде Ұлы Отан соғысының 80 жылдығы қарсаңында "Сіздер біздің мәңгі жадымыздасыздар" атты мектепішілік мәнерлеп оқу байқауы өткізілді. Іс-шараның мақсаты – өскелең ұрпақтың бойында Отанға деген сүйіспеншілік пен құрметті қалыптастыру, ата-бабаларымыздың ерлігін ұмытпау, олардың рухына тағзым ету.
      Байқауға оқушылар жас ерекшеліктеріне қарай топ-топқа бөлініп қатысты. Әр топ өз деңгейіне сай соғыс тақырыбындағы патриоттық мазмұндағы өлеңдерді мәнерлеп оқыды. Байқау барысында оқушылар шығарманы түсініп, сезіммен жеткізуге тырысты. Әсіресе дауыс мәнері, сахнада өзін ұстау, көзбен байланыс және көркемдік шеберлігі бағаланды.
     Іс-шара әсерлі өтті. Балалар соғыс жылдарындағы ерліктер туралы көптеген мағлұмат алып, ардагерлерге деген құрметтері арта түсті. Байқау соңында үздік қатысушылар дипломдармен марапатталды.