Мектеп және ЖОО ынтымақтастығы

04 сәуір 2023 жылы  Абай облысы білім бөлімінің «№ 11 жалпы орта білім беретін мектебі» КММ атынан директоры Баитунов Дулат Ермекович және Семей қаласының Шәкәрім атындағы университеті» КеАҚ атынан Басқарма төрағасы-ректор Ердембеков Бауыржан Аманкелдіұлы арасында екіжақты меморандумға қол қойылды.

Меморандумның мәні - тереңдетілген жаратылыстану-математика бағытындағы сыныптармен жұмыс жасау, педагогикалық сынып ашу саласындағы ынтымақтастық, мектеп түлектерінің сабақтастығын және табысты бейімделуін қамтамасыз ету, білім алушыларды ерте кәсіптік бағдарлау жүйесін дамыту. Мұндай ынтымақтастық мұғалімдер үшін тәжірибе алмасуға және кәсіби шеберліктерін арттыруға кең мүмкіндіктер ашары сөзсіз.