Жас маман апталығының қорытындысы бойынша дөңгелек үстел ұйымдастырылып, өткізілген сабақтар талданды.

«№11 ЖОББМ» КММ-де жас мұғалімдер апталығы ұйымдастырылып, өткізілді. Апталықтың мақсаты -  жас мамандардың кәсіби жетістіктерін көрсету, педагогикалық қызметін жандандыру және  шығармашылықпен жұмыс істейтін дарынды жас мұғалімдерді анықтау болып табылды.                                                                                                                                        «№11 ЖОББМ» КММ-де  9  жас маман жұмыс істейді. Апта бойы жас мамандар ашық сабақтар өткізді. Мұғалімдер өз пәндерінің теориялық негіздерін жақсы білетіндіктерін, өз сабақтарында АКТ қолдана отырып, оқытудың әртүрлі формалары мен әдістерін меңгергендіктерін көрсетті.                                                                           

           Жас маман апталығының қорытындысы бойынша дөңгелек үстел ұйымдастырылып, өткізілген  сабақтар талданды. Онда әрбір жас маман  әріптестерінің сабақтары туралы өз пікірлерімен және әсерлерімен бөлісті. Жас мамандарды алаңдататын мәселелер мен  педагогикалық жағдайлар талқыланып, талданды, жас педагогтар  үшін ұсыныстар әзірленді.